நமது பொதுச் செயலாளர் இரா.தாஸ் அவர்கள் நீதிமன்ற தீர்ப்பு நமக்கு எதிராக வந்தவுடன்  டிட்டோஜாக் கூட்டத்தை கூட்ட  முயற்சி எடுத்தார்கள் என்பதை அனைவரும் அறிவோம்.நேற்று  மாண்புமிகு பள்ளிக் கல்வி அமைச்சர் அவர்களை சந்தித்து பதவி உயர்வு தொடர்பாக கொள்கை முடிவு எடுக்க கோரிக்கை மனு அளித்து வலியுறுத்தி பேசினார்கள். மேலும் டிட்டோஜாக் கூட்டத்தில் எடுத்த நடவடிக்கை குறித்து பள்ளிக் கல்வி இயக்குநர் மற்றும் தொடக்கக் கல்வி இயக்குநர் ஆகியோரை சந்தித்து டிட்டோஜாக் உயர்மட்டக்குழு உறுப்பினர்கள் கோரிக்கை மனு அளித்து விவாதித்தனர். இன்று அரசு விரைந்து நடவடிக்கை எடுத்து 09-06-23 ல் பேச்சுவார்த்தைக்கு அழைத்துள்ளது. கூட்டு நடவடிக்கை குழு முதல் கட்டமாக வெற்றியை நோக்கி பயணிக்கிறது. தொடர்ந்து களப்பணி ஆற்றி வெற்றி பெறுவோம். விரைந்து நடவடிக்கை எடுத்த மாண்புமிகு பள்ளிக் கல்வி அமைச்சர் அவர்களுக்கும், மதிப்புமிகு பள்ளிக் கல்வி இயக்குநர் அவர்களுக்கும், மதிப்புமிகு தொடக்கக் கல்வி இயக்குநர் அவர்களுக்கும் நன்றி. ஆ.இலட்சுமிபதி மாநிலத் தலைவர் தமிழக ஆரம்பப்பள்ளி ஆசிரியர் கூட்டணி.

  இன்று 06-06-23 காலை சென்னையில் டிட்டோஜாக் உயர்மட்டக்குழு கூட்டம் தமிழக ஆரம்பப்பள்ளி ஆசிரியர் கூட்டணியின் மாநில கட்டடத்தில் தமிழ் நாடு ஆரம்பப்பள்ளி ஆசிரியர் கூட்டணியின் பொதுச் செயலாளர் திரு.ச.மயில் தலைமையில் நடைபெற்றது அதில் டிட்டோஜாக் உயர்மட்டக்குழு உறுப்பினர்கள் கலந்துகொண்டு   ஆசிரியர்களின் பதவி உயர்வு,நீதிமன்ற தடை,அடுத்து எடுக்க வேண்டிய   நடவடிக்கைகள் பற்றி கூட்டத்தில் விவாதித்து மூன்று கட்ட கவன ஈர்ப்பு ஆர்ப்பாட்டம் நடத்துவதாக அறிவிப்பு   வெளியிடப்பட்டது .  உடன் டிட்டோஜாக் உயர்மட்ட குழு தலைவர்கள்   மதிப்புமிகு பள்ளிக் கல்வி இயக்குநர் முனைவர்   க.அறிவொளி மற்றும் தொடக்கக் கல்வி இயக்குநர் முனைவர் ச.கண்ணப்பன் ஆகியோரை சந்தித்து கோரிக்கை மனு மற்றும் போராட்ட தகவலை தெரிவித்தனர். 

   இன்று 21-05-23 காலை  இயக்கத்தின் பொதுச் செயலாளர் இரா.தாஸ் அவர்கள் ஸ்ரீ பெரும்புதூர் சென்று பஞ்சாயத் ராஜ் சட்டத்தின் பிதாமகன், அன்னை இந்திரா காந்தியில் தவப்புதல்வர்,   இந்தியாவின் சிற்பி பண்டித ஜவகர்லால் நேருவின் பெயரன் ஆகிய சிறப்புகளை கொண்ட முன்னாள் இந்திய பிரதமர் ராஜீவ் காந்தி அவர்களின் நினைவு நாளில் நினைவு அஞ்சலி செலுத்திய நிகழ்வு.   நிகழ்வில் தமிழ்நாட்டு காங்கிரஸ் கட்சியின் தலைவர் கே.எஸ்   அழகிரியை சந்தித்து நலம் விசாரித்த நிகழ்வு   பாராட்டுக்குரியது .  பொதுச்  செயலாளருக்கு இயக்கத்தின் சார்பில் பாராட்டுக்கள் வாழ்த்துக்கள்.   ஆ.இலட்சுமிபதி  மாநிலத் தலைவர் தமிழக ஆரம்பப்பள்ளி ஆசிரியர் கூட்டணி.

   பதவி உயர்வில் பணி மூப்பு முறையையே பின்பற்ற கொள்கை முடிவு எடுக்க வேண்டும் --- மாண்புமிகு பள்ளிக்கல்வி அமைச்சரிடம் நமது பொதுச்செயலாளர் கோரிக்கை... இன்று 19-05-23 காலை மாண்புமிகு பள்ளிக் கல்வி அமைச்சர் அவர்களை தலைமைச் செயலகத்தில் சந்தித்து பொன்னாடை போர்த்தி அயல்நாடு கல்வி சுற்றுலா சென்றுவந்ததை பாராட்டி வாழ்த்து தெரிவித்து அகவிலைப்படி வழங்கியதற்கு நன்றி தெரிவித்த பொதுச் செயலாளர் அவர்கள் மீண்டும் பள்ளிக் கல்வி இயக்குநர் பதவியை வழங்க வேண்டும் என்று கோரிக்கை விடுத்தார்கள்.  மேலும் கோரிக்கை மனு அளித்து பொதுச் செயலாளர் அவர்கள் நடை பெறும் கலந்தாய்வில் பழையபடி துவக்கப் பள்ளி தலைமை ஆசிரியர், நடுநிலைப் பள்ளி தலைமை ஆசிரியர்,பட்டதாரி ஆசிரியர் பதவி உயர்வு பணி மூப்பு அடிப்படையில் நடைபெற நீதிமன்றத்தில் உரியவழியில் முயன்று பதவி உயர்வு வழங்க வேண்டும் என்றும்,மேலும் புதியதாக பிரிக்கப்பட்ட ஒன்றியங்களில் பணியாற்றும் ஆசிரியர்கள் தாய் ஒன்றியத்திற்கு ஈர்க்கு வகையில் கலந்தாய்வில் வாய்ப்பு வழங்க வேண்டும் என்றும்,(உதாரணமாக சங்கராபுரம் ஒன்றியம் )மேலும் தெலுங்கு மொழி ஆசிரியர்களின் தலைமை ஆசிரியர் பதவ...

                 இன்று 19-05-23 காலை கோட்டையில் தமிழகத்தின் தன்னிகரற்ற தலைமகன் மதிப்புமிகு தலைமைச் செயலாளர்  வெ.இறையன்பு அவர்களை  தமிழகத்தின் தலைசிறந்த இயக்க வாதியும் தமிழக ஆரம்பப்பள்ளி ஆசிரியர் கூட்டணியின் பொதுச் செயலாளரும் ஜாக்டோ ஜியோ ஒருங்கிணைப் பாளருமான இரா.தாஸ் அவர்கள் சந்தித்து தமிழ் வணக்கத்தை பரஸ்பரம் தெரிவித்துக் கொண்டபோது பொதுச் செயலாளர் அவர்கள் கிடைத்த ஒரு நிமிட நேரத்தில் தலைமைச் செயலாளர் அவர்களை பல  ஆண்டு பின்னோக்கிய சிந்தனையை தூண்டி காஞ்சித் தலைவன் பேரறிஞர் அண்ணா பிறந்த காஞ்சிபுரம் மாவட்ட ஆட்சியராக சிறப்பாக பணியாற்றிய போது  நடந்த சம்பவங்களை நினைவு கூர்ந் தார்கள். மதிப்புமிகு இறையன்பு அவர்கள் மகிழ்ந்து மனம்விட்டு சிரித்து தனது மகிழ்ச்சியை வெளிப் படுத்தினார்கள். ஆசிரியர்கள் அரசு ஊழியர்கள் தங்களை பெரிதும் விரும்புகிறார்கள் ஆசிரியர் அரசு ஊழியர்சார்பில் வாழ்த்துகளை தெரிவித்துக் கொள்கிறேன் என்று கூறி விடைபெற்றார்கள்.

  தமிழ்நாடு அரசில் பணி புரியும் ஆசிரியர்கள் அரசு ஊழியர்களுக்கு அகவிலைப்படியை உயர்த்தி வழங்கியமைக்காக தமிழ்நாடு முதலமைச்சர் மாண்புமிகு மு க ஸ்டாலின் அவர்களுக்கு தமிழக அரசு கூட்டணியின் தமிழக ஆரம்ப பள்ளி ஆசிரியர் கூட்டணியின் பொதுச் செயலாளர் திரு இரா.தாஸ் மாநில தலைவர் திரு ஆ.இலட்சுமிபதி  மற்றும் நிர்வாகிகள் அன்பழகன்,புருஷோத்தமன் ஆகியோர் நேரில் சந்தித்து நன்றி தெரிவித்தனர். இது குறித்த பத்திரிகை செய்தியை மாலை முரசு நிறுவனம் வெளியிட்டமைக்கு நன்றி.... செய்தியின் முழு விவரத்தையும் அறிய  

          இன்று 18-05-23 காலை தமிழக ஆரம்பப்பள்ளி ஆசிரியர் கூட்டணியின் சார்பில் மாண்புமிகு தமிழ்நாடு முதலமைச்சர் அவர்களை பொதுச் செயலாளர் இரா.தாஸ் அவர்கள் தலைமையில் கோட்டையில் சந்தித்து அகவிலைப்படி உயர்வு வழங்கியதற்கு நன்றியும், பழையபடி பள்ளிக் கல்வி இயக்குநர் பணியிடத்தை வழங்க வேண்டும் என்றும், பழைய ஓய்வூதிய திட்டம், இடைநிலை ஆசிரியர் ஊதிய முரண்பாட்டு, நிறுத்தி வைத்துள்ள ஊக்க ஊதிய உயர்வு,சரண்டர் ஆகிய கோரிக்கைகளை நிறைவேற்ற வேண்டும் என்று இயக்க பொதுச் செயலாளர் அவர்கள் கேட்டுக் கொண்டார்கள். மாண்புமிகு முதல்வர் அவர்கள் பொறுமையாக கேட்டதுடன் ஆவண செய்வதாக கூறினார்கள்.உடன் மாநிலத் தலைவர் இலட்சுமிபதி திருவண்ணாமலை மாவட்ட தலைவர் அன்பழகன்,மாநில துணைப் பொதுச் செயலாளர் புருஷோத்தமன் உடன் இருந்தனர். மாலை மதிப்புமிகு தொடக்கக் கல்வி இயக்குநர் முனைவர் க.அறிவொளி அவர்களை சந்தித்து பேச இயக்குனரகம் சென்ற நிலையில் மதிப்புமிகு தொடக்கக் கல்வி இயக்குநர் முனைவர் க.அறிவொளி அவர்கள் மதுரையில் எண்ணும் எழுத்தும் பயிற்சியில் இருப்பதாக அறிந்த நிலையில் பொதுச் செயலாளர் அவர்கள் தொலைபேசியில் மதிப்புமிகு...